Þið voruð plötuð – aldrei láta plata ykkur aftur
Til að sannfæra landsmenn um að segja nei við lausn á krónuvandamálinu seldu stjórnarandstaðan, og sérstaklega Sjálfstæðisflokkurinn, þjóðinni lygi um auðveldan fríverslunarsamning við Bandaríkin. Nú hefur utanríkisráðherra Bandaríkjanna tekið þann möguleika, sem var aldrei möguleiki, af dagskrá. Eftir stendur Sjálfstæðisflokkur sem skilur hvorki stefnu þeirra sem hann vill semja við né samfélagið sem hann vill stjórna. Sami flokkur boðar skattalækkanir fyrir þá ríkustu, útsölu almannaeigna og einkavæðingu velferðarinnar, en reynir að stimpla fulltrúa þeirra verst settu sem óstjórntæka. Þetta snýst um hver fær að eiga, hver fær að ráða og hver á að borga. Þið eigið að bera kostnaðinn af því að aðrir fái enn meira. Ekki láta sömu hagsmunaöfl plata ykkur aftur.
