Hvílum þá sem telja suma jafnari en alla hina
Á meðan að vaxta- og skattbyrði hefur stóraukist á venjulegar vinnandi fjölskyldur á Íslandi á síðustu árum hefur hagur þeirra sem eiga mest í samfélaginu, og hagnast langt umfram aðra á kerfunum sem það byggir á, haldið áfram að blómstra. Auður og áhrif þeirra hafa haldið áfram að aukast ár frá ári. Kerfin byggja á þeirri hugmynd að sumt fólk, þiggjendurnir, búi yfir meiri verðleikum en annað. Stjórnmál þeirra sem byggðu kerfin snúast um að sannfæra þá sem þau gagnast lítið eða ekkert um hið gagnstæða. Þessu þarf að breyta. Og það þarf að breyta því núna.
