LogoKjarnyrt
Login
Skráðu þig á póstlistann hér
LogoKjarnyrt
Þórður Snær Júlíusson
Þórður Snær Júlíusson

Framkvæmdastjóri þingflokks Samfylkingarinnar, fyrrverandi ritstjóri Heimildarinnar og Kjarnans og fyrrverandi viðskiptaritstjóri Fréttablaðsins. Höfundur tveggja bóka, Ísland ehf (2013) og Kaupthinking (2018). BA í stjórnmálafræði frá Háskóla Íslands og MSc í alþjóðlegum og evrópskum stjórnmálum frá Edinborgarháskóla. Eiginmaður og tveggja barna faðir.

Samfélag eða eignatæming: Hvernig á að borga fyrir Ísland?

Sep 11, 2026

•

12 min read

Samfélag eða eignatæming: Hvernig á að borga fyrir Ísland?

Það er auðvelt að búa til hávaða um eina krónu í kílómetragjald, skattþrep eða álögur á banka. Miklu erfiðara er að horfast í augu við stóru myndina. Íslenska ríkið var rekið með 866 milljarða króna uppsöfnuðum halla frá 2019, innviðir látnir grotna niður og vaxtareikningur ríkissjóðs þrefaldaðist. Samhliða voru milljarðar færðir til þeirra sem þurftu minnst á þeim að halda með skattalækkunum, ívilnunum og stuðningskerfum. Nú er verið að borga reikninginn, en ekki með þeirri aðferð sem hægrið hefði kosið. Í stað þess að skera niður velferð, selja opinberar eignir og senda kostnaðinn niður tekjustigann er verið að beita blandaðri leið: hagræða í ríkisrekstri, laga hallann og sækja auknar tekjur til þeirra sem hafa svigrúm til að leggja meira af mörkum.

Þórður Snær Júlíusson
Þórður Snær Júlíusson
Gerræði og duttlungar í ástarsambandi sumra við örmynt

Sep 4, 2026

•

6 min read

Gerræði og duttlungar í ástarsambandi sumra við örmynt

Fyrir ekkert svo mörgum árum þótti uppgjör íslenskra stórfyrirtækja í öðrum gjaldmiðlum vera skýr skilaboð um vantraust gagnvart íslensku krónunni og tilraunum til þeirra fylgdu ofstækisfull pólitísk frekjuköst. Svo festi kerfi sig í sessi þar sem örfáir fá að njóta þeirra kosta að vera lausir við krónuálagið og vaxtaokrið og í sumar kom bersýnilega í ljós að þeir sem græða á kerfislegum göllum þess kerfis gera allt til að verja tilvist þess. Búrið þeirra var hrist ansi harkalega af tæplega helmingi þjóðarinnar um síðustu helgi. Og gamla valdakerfið er hvekkt.

Þórður Snær Júlíusson
Þórður Snær Júlíusson
Hræðslubandalagið um gamla Ísland

Aug 28, 2026

•

9 min read

Hræðslubandalagið um gamla Ísland

Ísland mun ekki lympast niður og verða hjálenda við það að taka enn eitt gæfuskrefið í aukinni alþjóðasamvinnu við vinaþjóðir. Við munum þvert á móti nýta það skref eins og við höfum nýtt öll hin til að stækka og styrkjast. Sækja enn fleiri tækifæri og lífsgæði fyrir íslenska þjóð. Á morgun greiðum við atkvæði um hvort við eigum að kanna hvort Evrópusambandið sé tilbúið að mæta skilyrðum okkar fyrir inngöngu. Þau eru skýr og efst á blaði er ófrávíkjanleg krafa um að gefa ekki eftir nein yfirráð yfir auðlindum okkar. Samt gengur allur málflutningur gamla Íslands, sem að hluta til hefur slegið eign sinni á þessar auðlindir okkar, út á að ljúga slíka hræðslu í þjóðina. Ég hef fulla trú á að hún sjái í gegnum það.

Þórður Snær Júlíusson
Þórður Snær Júlíusson
Fortíðin, framtíðin, og fjárhættuspilið með krónuna þar sem bankinn vinnur alltaf

Aug 21, 2026

•

7 min read

Fortíðin, framtíðin, og fjárhættuspilið með krónuna þar sem bankinn vinnur alltaf

Íslenska krónan er ekki bara seðill eða klink í vasa. Hún er óhagstætt vaxtaumhverfi, tækifæri sem aldrei urðu og gengisáhætta sem veldur aukaálagi á heimili og fyrirtæki. Þetta álag er hægt að fjarlægja með upptöku evru. Það vita stórfyrirtæki í alþjóðaviðskiptum, enda eru þau löngu búin að ganga í evruna. Er ekki sanngjarnt og eðlilegt að okkur hinum gefist sama tækifæri?

Þórður Snær Júlíusson
Þórður Snær Júlíusson
Ímynduð börn sem eru hætt að hitta foreldra og raunveruleikinn um krónuhagkerfið

Aug 14, 2026

•

8 min read

Ímynduð börn sem eru hætt að hitta foreldra og raunveruleikinn um krónuhagkerfið

Í pólitískum slag er það nær alltaf þannig að sá sem er að reyna að hræða þig frá því að vita meira er að tapa. Það er nær oftast þannig að sá sem grípur til afflutnings, ofstopa og lyga er með slæman málstað að verja. Það er þannig að þegar önnur hliðin vill ekki ræða helstu kosti breytinga þá veit hún sennilega innst inni að hagsmunir hennar af því að koma í veg fyrir þær eru ekki hagsmunir allra hinna í landinu. Kostnaðurinn við íslensku krónuna er nefnilega ekki tilfinning, heldur mælanleg staðreynd. Að ræða hana ekki í samhengi við kosti þess að ganga í Evrópusambandið er eins og að fara í blóðprufu en taka ákvörðun um meðferð áður en niðurstöður hennar liggja fyrir.

Þórður Snær Júlíusson
Þórður Snær Júlíusson
Það sem fæst fyrir 600 milljónir daginn eftir

Aug 7, 2026

•

10 min read

Það sem fæst fyrir 600 milljónir daginn eftir

Neikvæð umfjöllun um Evrópusambandið hefur verið fasti á forsíðum Morgunblaðsins síðustu tvo mánuði. Það þarf ekki að koma neinum á óvart að blaðið fylki sér á bak við þá afstöðu og tali fyrir „sitt fólk“. Slíkt er opinber afstaða þess og Morgunblaðið ætlar sér ekki að vera hlutlaust á neinn hátt. Það sem gerir stöðuna alvarlegri er að með milljarða niðurgreiðslum á taprekstri blaðsins á síðustu árum til að ná „tökum á umræðunni“ hefur stórútgerðin bjagað fjölmiðlaumhverfið og drepið samkeppni sem hefur þurft að reka sig á viðskiptalegum forsendum. Fyrir vikið er stýring á pólitísku narratívi á Íslandi fyrst og síðast í höndum þeirra sem ganga erinda þröngra sérhagsmuna.

Þórður Snær Júlíusson
Þórður Snær Júlíusson
Þegar hópur fékk 20 prósenta afslátt af Íslandi

Jun 26, 2026

•

11 min read

Þegar hópur fékk 20 prósenta afslátt af Íslandi

Á Íslandi er hópur fólks sem byggir völd sín og velmegun á því að leikreglurnar og kerfin í þjóðfélaginu hafi verið sveigð að hans hagsmunum. Þessi hópur er nú hræddur vegna þess að verið er að afnema forréttindi hans eftir að flokkunum sem hann hefur tangarhald á var hafnað í kosningum. Hræddastur af öllu er hann við þá auknu samkeppni sem þessi hópur sjálfskipaðra náttúrutalenta þarf að takast á við ef Ísland eykur samstarf sitt við Evrópu. Þetta er ekki stór hópur, en hann telur sig eiga Ísland. Að hluta til eignaðist hann stóra bita í gegnum ótrúlegt fyrirkomulag sem sett var upp eftir bankahrunið og tryggði þeim sem höfðu komið peningum út úr landinu áður en höft voru sett upp tækifæri til að fá heilbrigðisvottorð á þá peninga og 20 prósenta afslátt á eignum á Íslandi.

Þórður Snær Júlíusson
Þórður Snær Júlíusson
Það er svo grátlega erfitt að vera banki á Íslandi

Jun 19, 2026

•

9 min read

Það er svo grátlega erfitt að vera banki á Íslandi

Á síðustu dögum hefur verið reynt að telja okkur trú um að það sé í raun ódýrt að versla í matinn á Íslandi, að vaxtakjör á húsnæðislánum hérna séu ekki hræðileg heldur frábær og að ábyrg efnahagsstjórn sé ekkert annað en aðför að bönkum með allt of háa arðsemiskröfu. Umræðan minnir sífellt meira á þá sem átti sér stað fyrir ári þegar hagsmunahægrið hneppti niður að nafla, þyrlaði í hvítvíni og reyndi að gaslýsa þjóð frá því að leiðrétta veiðigjöld á stórútgerðina.

Þórður Snær Júlíusson
Þórður Snær Júlíusson
Sárindavélin sem er að éta börnin sín

Jun 12, 2026

•

9 min read

Sárindavélin sem er að éta börnin sín

Fjarhægrið sem sagðist fyrirlíta fórnarlambavæðingu hefur búið til sína eigin. Gagnrýni á refsigleði, útilokunarmenningu og tilfinningalegt neitunarvald er sjálf orðin að sárindavél sem er svo mikið keyrð þessi dægrin að hún er við það að bræða úr sér. Hún krefst þess nú að ranghugmyndir fái sama vægi og þekking, að sérfræðingar séu tortryggðir fyrir það eitt að styðjast við gögn og að opinber umræða lúti kröfum þeirra sem þola ekki að heimurinn sé flóknari en slagorðin þeirra.

Þórður Snær Júlíusson
Þórður Snær Júlíusson
Viðskiptalífið í krónuhagkerfinu: Lokað íslenskt valdakerfi sem þarf að opna

Jun 5, 2026

•

12 min read

Viðskiptalífið í krónuhagkerfinu: Lokað íslenskt valdakerfi sem þarf að opna

Stjórnmál verða óheiðarlegust þegar þau hætta að snúast um staðreyndir og fara að snúast um að halda við einhverjum völdum. Það sést skýrt í umræðunni um þjóðaratkvæðagreiðsluna í ágúst. Þar er almenningi sagt að samningsmarkmið liggi ekki fyrir, að ekkert sé til að semja um, að kostnaður krónunnar sé óljós og að leyndarhyggja ráði för. Allt er þetta rangt, eða í besta falli vísvitandi villandi. Kjarni málsins er einfaldur: þjóðin á að fá að vita hvaða valkostur stendur til boða. Hún á að fá samning á borðið, meta kosti hans og galla, og taka svo sjálf ákvörðun. Andstaðan við það snýst ekki um lýðræðislega varfærni heldur ótta við að lokað íslenskt valdakerfi verði opnað. Krónuhagkerfið, fákeppnin, húsnæðisbraskið og samkrull fjármagns og stjórnmála hafa búið til samfélag þar sem fáir njóta en almenningur borgar reikninginn. Evrópuumræðan snýst því um meira en Evrópusambandið. Hún snýst um hvort við viljum fleiri möguleika eða áfram lokað kerfi.

Þórður Snær Júlíusson
Þórður Snær Júlíusson
Kvótakerfið sem varð að valdakerfi

May 29, 2026

•

8 min read

Kvótakerfið sem varð að valdakerfi

Í lok síðustu viku var birt skýrsla sem sýnir að stærstu útgerðir landsins eigi yfir 400 milljarða króna af eignum í öðrum fyrirtækjum í lok árs 2024. Þrjár stærstu útgerðirnar áttu meira en helminginn af þessum eignum og fyrir liggur að flestar þeirra féllu til á áratug. Samt er þetta brotakennd mynd. Stikkprufur sýna að eignir upp á að minnsta kosti tugi, ef ekki hundruð, milljarða króna voru ekki taldar með. Umfang samþjöppunar og fákeppni í landi þar sem ofurríkar útgerðarfjölskyldur eignast sífellt stærri sneið af samfélaginu er mun meira en skýrslan gaf til kynna. Og þá vakna upp spurningar. Fyrir hvern er þetta kerfi eiginlega? Og hvað ætlum við að gera í því?

Þórður Snær Júlíusson
Þórður Snær Júlíusson
Pólitísk innrömmun og raunveruleikinn

May 22, 2026

•

9 min read

Pólitísk innrömmun og raunveruleikinn

Það kallast innrömmun í pólitík þegar eitthvað er sett fram með ákveðnum hætti svo fólk túlki það út frá tilteknu sjónarhorni. Sá sem nær að skilgreina málið nær enda oft forskoti í umræðunni. Innrömmun getur verið veik þegar hún er einungis sett fram af tilfinningu eða meðvituðum ósannindum eða sterk ef hún er látin hvíla á staðreyndum og gögnum. Þetta skal hafa skýrt í huga þegar fylgst er með innrömmuninni um sveitarstjórnarkosningarnar sem fóru fram um síðustu helgi.

Þórður Snær Júlíusson
Þórður Snær Júlíusson
Borg fyrir fólk eða meira malbik með valdboði og útdeilingu gæða fyrir suma

May 15, 2026

•

12 min read

Borg fyrir fólk eða meira malbik með valdboði og útdeilingu gæða fyrir suma

Þegar jafnaðarfólk tók við stjórn Reykjavíkur árið 1994 var leikskólabyltingunni hrint í gagnið með tilheyrandi áhrifum á þátttöku kvenna á vinnumarkaði og stjórnsýslu borgarinnar var breytt úr valdboði við útdeilingu gæða til sumra í þjónandi stjórnsýslu. Á síðustu áratugum hefur Reykjavík vaxið meira en nær allar höfuðborgir Evrópu og lífsgæði þeirra sem í henni búa eða sækja hana heim hafa margfaldast. Allar stærstu ákvarðanir sem teknar hafa verið í skipulagsmálum, samgöngum, rekstri, leikskólamálum og öðru tilfallandi hafa verið réttar. Á morgun verður kosið hvort horfið verði af þeirri leið, oft með vísun í vaxtaverki, eða hvort Reykjavík haldi áfram á sömu braut.

Þórður Snær Júlíusson
Þórður Snær Júlíusson
Sveitarfélög og borgir eru ekki fyrirtæki heldur samfélög

May 8, 2026

•

7 min read

Sveitarfélög og borgir eru ekki fyrirtæki heldur samfélög

Sveitarfélag eða borg eru ekki fyrirtæki og það ætti engum að detta í hug að reka þau sem slík. Fyrirtæki eru rekin til að hagnast, geta valið viðskiptavini sína og hætt óarðbærri starfsemi með einu pennastriki. Sveitarfélög verða hins vegar að veita öllum þjónustu, líka þegar hún er kostnaðarsöm. Tekjur þeirra eru bundnar sköttum og þau bera samfélagslega ábyrgð til langs tíma. Það er mikilvægt að hafa í huga í komandi kosningum.

Þórður Snær Júlíusson
Þórður Snær Júlíusson
Reykjavík er einfaldlega best rekna sveitarfélagið á höfuðborgarsvæðinu (Staðfest)

May 1, 2026

•

10 min read

Reykjavík er einfaldlega best rekna sveitarfélagið á höfuðborgarsvæðinu (Staðfest)

Staðreyndin er einfaldlega sú að Reykjavík er best rekna sveitarfélag höfuðborgarsvæðisins og það eina sem getur borgað gjaldfallnar skuldir sínar á yfirstandandi ári án þess að taka yfirdrátt eða selja eignir. Staðreyndin er sú að borgin dregur vagninn í félagslegri þjónustu, uppbyggingu á almennu og félagslegu húsnæði, í menningu og fjárfestingu innviða. Staðreyndin er sú að þetta gerir Reykjavík án þess að leggja gjaldakláfa á íbúa sína, án þess að selja verðmætar eignir á tombóluprís til að eiga fyrir skuldum eða rekstri og án þess að tefla fjárhag höfuðborgarinnar í hættu.

Þórður Snær Júlíusson
Þórður Snær Júlíusson
Gremjupólitík að detta úr tísku á meðan maður á negldri Teslu spyr hvað sé í gangi

Apr 24, 2026

•

10 min read

Gremjupólitík að detta úr tísku á meðan maður á negldri Teslu spyr hvað sé í gangi

Pólitík sveiflast oft eins og pendúll. Ýmsar stefnur njóta tímabundinnar hylli en ganga svo rækilega fram af fólki þannig að það verður fljótt afhuga. Það virðist vera að gerast með Miðflokkinn um þessar mundir. Eftir því sem hann bætir við gremju gagnvart fleiri minnihlutahópum eða sýnir skýrar á spilin um raunverulegt innihaldsleysi sitt þá fækkar þeim sem segjast styðja flokkinn. Það er sérstaklega athyglisvert að mýtan um að allir ungir karlar landsins séu að flykkjast í Miðflokk er ekkert annað en það, mýta. Kannanir sýna svart á hvítu að jafnaðarmennska, umburðarlyndi og samhyggð eru miklu vinsælli hjá framtíð þjóðarinnar en gremjan og óþolið gagnvart öllu innfluttu eða öðruvísi.

Þórður Snær Júlíusson
Þórður Snær Júlíusson
Íslensk króna á hækjum eða evra með aðild að Evrópusambandinu?

Apr 17, 2026

•

10 min read

Íslensk króna á hækjum eða evra með aðild að Evrópusambandinu?

Það eru ekki margar þjóðir sem ræða jafn mikið um gjaldmiðilinn sinn og við Íslendingar, eigendur íslensku krónunnar. Lengi vel hafði hún í huga margra skýra kosti, sem fólust þó að mestu í gengisfellingu þannig að launafólk sem fékk borgar í krónum var látið axla verðstöðugleikann. Frá því að höft voru losuð hérlendis fyrir tæpum níu árum höfum við verið með það sem kallast króna á hækjum þar sem henni er haldið innan vikmarka með varúðartækjum og inngripum. Þorra þessa tíma hefur verðbólga verið yfir markmiði og vextir háir. Fyrir liggur að einungis einn annar raunhæfur valmöguleiki er fyrir Ísland í gjaldmiðlamálum: að taka upp evru með því að ganga í Evrópusambandið. Það er ekki töfralausn en gæti leitt af sér lægri vexti, meiri samkeppni og aukinn stöðugleika fyrir íslensk heimili og fyrirtæki.

Þórður Snær Júlíusson
Þórður Snær Júlíusson
Viljum við ráða okkur sjálf eða viljum við láta hræða okkur til hlýðni?

Apr 10, 2026

•

18 min read

Viljum við ráða okkur sjálf eða viljum við láta hræða okkur til hlýðni?

Þótt allt virðist stundum vera að fara til fjandans og sú mynd sem dregin er upp af sálarlífi þjóðar í miðlum geti valdið miklum hugarbrotum þá sýnir ný könnun að Ísland hefur alls ekki glatað því sem gerir það gott, réttsýnt og framfarasinnað. Skýr vilji til að bera ábyrgð hvert á öðru og mynda þéttofið samfélag er enn ráðandi afl. Það má hins vegar ekki taka augun af því að hér þrífast líka öfl sem vilja alls ekki láta þjóðarviljann ráða þann veg sem við rötum. Það á við á fleiri flötum en einum og undirliggjandi er alltaf varðstaðan um gamla Ísland fákeppni og einokunar og vilji til að viðhalda völdunum sem slíku kerfi fylgja.

Þórður Snær Júlíusson
Þórður Snær Júlíusson
Orkufyrirtækin komin aftur á pólitíska matseðilinn

Apr 3, 2026

•

12 min read

Orkufyrirtækin komin aftur á pólitíska matseðilinn

Íslensku orkufyrirtækin, hvort sem þau framleiða eða dreifa orku, eru sennilega okkar mikilvægustu innviðir. Samfélagið stóð að stofnun þeirra og tók áhættuna af uppbyggingu þeirra. Á bankabóluárunum var mikill þrýstingur á að koma þessum fyrirtækjum í einkaeigu og sum sveitarfélög seldu stóra hluti í þeim til að þjónusta þær pólitísku kreddur. Upp á síðkastið hafa sambærilegar vondar hugmyndir verið að vakna úr dvala. Hægrið er mætt af fullum krafti til að reyna að selja eignirnar ykkar.

Þórður Snær Júlíusson
Þórður Snær Júlíusson
Stétta- og menningarstríð hægrisins á Íslandi tekur á sig skýra mynd

Mar 27, 2026

•

17 min read

Stétta- og menningarstríð hægrisins á Íslandi tekur á sig skýra mynd

Það geisa tvenns konar stríð á pólitískum vígvelli Íslands, þar sem ofsi og ábyrgð takast á. Annað snýst um að etja stéttum saman í baráttu um sneiðar af efnahagslegu kökunni og hitt að etja hópum saman í innfluttum átökum um gildi, siðferði og menningu. Alls konar vopnum er beitt, til dæmis efnahagslegri þjóðernishyggju, fullyrðingum um öryggisógn sem eiga sér oftast nær engar stoðir í raunveruleikanum og mikilli dreifingu á röngum eða villandi upplýsingum. Síðasta vika hefur sýnt það svart á hvítu hvar íslensku hægriflokkarnir og fjölmiðlarnir þeirra hafa grafið sínar skotgrafir í þessu stríði og hvernig þeir ætla að heyja það.

Þórður Snær Júlíusson
Þórður Snær Júlíusson
Útgerðir sem mala gull og gengu í evruna vegna mikilvægis Evrópu

Mar 20, 2026

•

16 min read

Útgerðir sem mala gull og gengu í evruna vegna mikilvægis Evrópu

Stærstu sjávarútvegsfyrirtæki landsins hafa skilað metafkomu eftir að lög um leiðrétt veiðigjöld voru samþykkt í fyrrasumar eftir Íslandsmet í málþófi. Sú svartnættismynd sem fulltrúar stórútgerða á Alþingi máluðu upp á sér enga stoð í veruleikanum og markaðsvirði umræddra tveggja fyrirtækja hefur vaxið samanlagt yfir 130 milljarða króna á átta mánuðum. Verð hafa verið í hæstu hæðum og eftirspurn eftir íslenskri vöru gríðarleg. Þá hjálpaði loðnukvóti verulega til. Þessi tvö fyrirtæki gera nú bæði upp í evrum vegna þess að stærstu markaðir þeirra eru í Evrópu og þar eru helstu vaxtatækifærin í fyrirsjáanlegri framtíð.

Þórður Snær Júlíusson
Þórður Snær Júlíusson
Þeir sem berjast um Ísland og við sem berjumst fyrir það

Mar 13, 2026

•

18 min read

Þeir sem berjast um Ísland og við sem berjumst fyrir það

Eftir bankahrunið lofuðu Sjálfstæðisflokkur og Framsókn, þá undir forystu andlags Miðflokksins, ítrekað að leyfa þjóðinni að ákveða stöðu Íslands í Evrópusamstarfi. Þegar þeir svo komust til valda sviku þeir það og söltuðu meira að segja málið án þess að þingið fengi að hafa aðkomu að því. Það tók rúman áratug að koma hagsmunahægrinu og fáveldispólitík þess frá völdum á ný og við það opnaðist möguleiki til að láta þjóðina ákveða eigin örlög og efna til þjóðaratkvæðis um hvort Ísland eigi að fara í viðræður um aðild að Evrópusambandinu. Ríkisstjórn sem treystir þjóðinni vill fá leiðsögn hennar í málinu og setja það í hennar hendur. Sem vill láta meirihlutann ráða. Flokkarnir og leiðtogarnir sem standa fyrir innfluttri pólitík útilokandi þjóðerniskenndar og draumsýnar um bjarta fortíð treysta þjóðinni hins vegar ekki fyrir því að hafa vit fyrir sjálfri sér.

Þórður Snær Júlíusson
Þórður Snær Júlíusson
Efnahagskerfi sem hefur ekki vaxið í áratug þegar leiðrétt er fyrir fólksfjölgun

Mar 6, 2026

•

19 min read

Efnahagskerfi sem hefur ekki vaxið í áratug þegar leiðrétt er fyrir fólksfjölgun

Hagvöxtur á mann á Íslandi frá árinu 2018 er enginn, og það er með því lakasta sem fyrirfinnst á Vesturlöndum á tímabilinu. Sá hagvöxtur sem var á Íslandi á þessu tímabili var drifinn áfram af mestu fólksfjölgun í okkar heimshluta með tilheyrandi álagi á húsnæðismarkað, heilbrigðiskerfi, samgöngur, löggæslu, menntakerfi og allt hitt. Nú er verið að snúa þessu við með því að undirbyggja raunverulegan hagvöxt til að standa undir aukinni velferð. Og þrátt fyrir endalausan barlóm hjá hagsmunahægrinu á þingi, í fjölmiðlunum þeirra, hugveitunum og hagsmunagæsluörmunum þá sýna undirliggjandi spár að það er bjart fram undan í íslensku efnahagslífi.

Þórður Snær Júlíusson
Þórður Snær Júlíusson
Dýr mistök sem mögnuðust upp vegna óheppni og við erum enn að borga fyrir

Feb 27, 2026

•

18 min read

Dýr mistök sem mögnuðust upp vegna óheppni og við erum enn að borga fyrir

Á Íslandi var hrært í eitraðan kokteil fyrir nokkrum árum með stórkallalegum örvunaraðgerðum í hagkerfinu sem skiluðu breiðustu bökunum mestu og stjórnvöld tóku sér allt of langan tíma til að draga úr. Þetta kostaði ríkissjóð mörg hundruð milljarða króna og skapaði ótrúlega stöðu um tíma. Vextir voru nánast engir, peningar fyrir vikið nánast ókeypis og verðbólga hélst samt lág. Svo kom reikningurinn. Og við höfum nú verið að borga hann í næstum fimm ár.

Þórður Snær Júlíusson
Þórður Snær Júlíusson
Hvað er eðlilegt að græða mikið í lokuðu fákeppnisumhverfi?

Feb 20, 2026

•

16 min read

Hvað er eðlilegt að græða mikið í lokuðu fákeppnisumhverfi?

Á Íslandi ríkir fákeppni á nánast öllum mörkuðum sem heimili og fyrirtæki landsins þurfa að eiga viðskipti við. Þar keppa fáir aðilar á svipuðum kjörum um markaðshlutdeild í kerfum sem meira og minna eru lokuð fyrir erlendri samkeppni. Stærsta slíka kerfið er bankakerfið. Þar hefur hagnaður vaxið mikið síðustu ár, arðsemi er meiri en gengur og gerist og það kostar minna að græða meira en víðast hvar í heiminum. Undirstaðan í þessum mikla hagnaði eru vaxtatekjur vegna lána sem bankar hafa veitt íslenskum heimilum og fyrirtækjum. Í stað þess að huga að því hvort arðsemiskröfurnar séu mögulega of miklar á lokuðum fákeppnismarkaði eru bankarnir að færa sig í hina áttina. Þeir vilja hagnast meira.

Þórður Snær Júlíusson
Þórður Snær Júlíusson
Load more
Kjarnyrt

Kjarnyrt

Skrif um samfélag, stjórnmál, efnahagsmál og viðskipti

Home

Posts